Хуралдаанаар сумын ГХУСАЗСЗ-ийн бүрэлдэхүүнийг шинэчлэх, ИТХ-ын зөвлөлийн 2023 оны үйл ажиллагааны төлөвлөгөө тухай асуудлыг хэлэлцэн дараах шийдвэрүүдийг гаргав.

Үүнд:

а. Сумын ГХУСАЗСЗ-ийн бүрэлдэхүүн. (албан тушаалаар)

1. Дарга: Сумын ИТХ-ын дарга.

2. Орлогч дарга: Сумын Засаг дарга.

3. Сумын ЗДТГ-ын боловсрол, соёл хариуцсан бодлогын мэргэжилтэн

4. Сумын ЗДТГ-ын Хөдөлмөр эрхлэлт, нийгмийн асуудал, ХАБ, эрүүл ахуй хариуцсан бодлогын мэргэжилтэн

5. Сумын ЗДТГ-ын хууль эрх зүй хариуцсан мэргэжилтэн

6. ГБХЗХГ-ын гэр бүлийн асуудал хариуцсан мэргэжилтэн

7. Сумын 10 багийн Засаг дарга

8. Даланзадгад сум хариуцсан хэсгийн байцаагч нар

9. ШШГГ-ын эрүүгийн ахлах шийдвэр гүйцэтгэгч

10. Нарийн бичгийн дарга: Өмнөговь аймгийн Цагдаагийн газрын ГХУСА-ын ахлах мэргэжилтэн байхаар шинэчлэн оруулж ирсэн төслийг дэмжиж, салбар зөвлөлийн шинэчлэгдсэн бүрэлдэхүүнд мэдээлэл, нэгдсэн зохион байгуулалтаар ханган ажиллаж, үйл ажиллагааны тайланг бүтэн жилээр ИТХ-ын зөвлөлд тайлагнаж ажиллахыг зөвлөлийн бүрэлдэхүүн, нарийн бичгийн даргад үүрэг болгов.

б. ИТХ-ын зөвлөлийн 2023 оны үйл ажиллагааны төлөвлөгөө батлах тухай хэлэлцээд Зөвлөлийн 2023 оны үйл ажиллагааны төлөвлөгөөг 6 бүлэг, 13 заалттайгаар, явцын дунд төлөвлөгөөнд нэмэлт оруулж тодотгох нь нээлттэй байхаар тогтон үйл ажиллагааны төлөвлөгөөг хэрэгжүүлэхэд зөвлөлийн гишүүд, хурлын ажлын албаны ажилчдыг идэвх чармайлттай оролцохын зөвлөлийн хурлын тэмдэглэлээр үүрэг болгов.