Энэхүү тэмцээн нь “Амар амгалан сум-Цогтцэций” уриан дор “Нээлттэй өдөрлөг”-ийн арга хэмжээгээр эхэлсэн бөгөөд 9 аж ахуйн нэгж, байгууллагын 66 тамирчин хурд хүч, авхаалж самбаагаа сорин өрсөлдсөнөөс “Гашуун сухайт автозам” ХХК-ний О.Уранболор ахлагчтай “ГШАЗ” баг шагналт 4-р байр, орон нутгийн “Таван толгой” ХК-ний З.Наранзуяа ахлагчтай “Таван толгой” баг 3-р байр, “MCS интернейшнл” ХХК-ний Ц.Жодвоо ахлагчтай “Интернэйшнл” баг 2-р байр, Зэвсэгт хүчний 167-р ангийн Н.Энхтүвшин ахлагчтай “Stream” баг 1-р байрт тус тус шалгарав.
Тэмцээний өсөх ирээдүйтэй тамирчнаар “Цагаан шонхор” багийн тамирчин Ц.Буянжаргал, тэгш тоглогчоор “ГСАЗ” багийн тамирчин О.Уранболор, шилдэг хамгаалагчаар “Таван толгой” багийн тамирчин Н.Шинэхүү, шилдэг хаалгачаар “Шонхор” багийн тамирчин, Цагдаагийн дэслэгч Г.Жавхлан, шилдэг довтлогчоор “Stream” багийн тамирчин Н.Энхтүвшин, шилдгийн шилдэг тамирчнаар “Интернэйшнл” багийн тамирчин Ц.Жодвоо нар шалгарч, шагналын эзэд тодров. 
Тэмцээнийг зохион байгуулахад дэмжлэг туслалцаа үзүүлэн хамтран ажилласан сумын ИТХ, ГХУСАЗСЗ, “Мөрөөдөл” цогцолбор сургуулийн удирдлага, хамт олонд халуун талархал илэрхийлъе. 
Дараагийн тэмцээнийг 2018 оны 09-р сарын 18-ны өдрөөс 23-ны өдрүүдэд гурван насны ангиллаар зохион байгуулна.