Уг зөвлөгөөнд ЗГХЭГ-ын дэд дарга У.Бямбасүрэн, Баруун бүс нутагт нэмүү өртөг бий болгох  үйл ажиллагааг дэмжих  төслийн багийн ахлагч Кристофер Ландон Лейн, МҮХАҮТ-ийн дарга М.Оюунчимэг, Үндэсний хөгжлийн агентлагийн  салбарын хөгжлийн бодлого зохицуулалтын хэлтсийн ахлах мэргэжилтэн С.Намжилмаа, ХХААХҮЯ-ны бодлого төлөвлөлтийн газрын ахлах мэргэжилтэн Д.Хишигжаргал, БОАЖ-ын сайдын аялал жуулчлалын  бодлогын зөвлөх Д.Гансүх болон Баруун аймгуудын Засаг дарга, Хурлын нарийн бичгийн дарга нар оролцлоо.
 Зөвлөгөөний  үеэр илтгэл тавьсан  Баруун аймгуудын Засаг дарга нар өөрсдийн нутгийнхаа онцлогтой уялдуулан тэнд мал аж ахуй, жижиг, дунд үйлдвэр, ашигт малтмал, аялал жуулчлалын салбарыг хөгжүүлэх талаар танилцууллаа.
Дашрамд дурдахад Баруун бүсийн анхдугаар зөвлөгөөн  өнгөрсөн жилийн 10 дугаар сард Ховд аймагт зохион байгуулагдсан юм.