Өнөөдөр болсон бөхийн самбо барилдааны 2017 оны насанд хүрэгчдийн Монгол улсын аварга шалгаруулах тэмцээнд Баян-Өлгий аймгийн Улаанхус сумын харьяат, ШШГЕГ-ын "Сүлд" Спорт хороо 439-р анги, "Онлайн Ложистик" ХХК, "Таван Богдын Бүргэдүүд" дэвжээний бөх, Самбо бөхийн мастер, Жудо бөхийн ОУХМ, Сумо бөхийн сонирхогчдын Дэлхийн аварга, аймгийн уран барилдаант арслан Б.Серик -100 кг жинд барилдаж АЛТАН медаль хүртлээ.
Арслан 2011, 2012, 2013 оны өсвөрийн Самбо бөхийн аварга, 2016 оны самбо бөхийн оюутны аварга, World sambo shampionships тэмцээнд 2 удаа тус тус хүрэл медальт, 2015, 2017 онуудад Самбо бөхийн УАШТ-ний аваргын Алтан медалийг тус тус хүртэж байна.
Арсланд Баян-Өлгий аймгийн нийт ард иргэдийн нэрийн өмнөөс халуун баяр хүргэе.
Эх сурвалж: "Таван Богдын Бүргэдүүд" дэвжээ
