УИХ-ын Тамгын газар, Швейцарын Хөгжлийн агентлаг,  НҮБ-ын хөгжлийн хөтөлбөрөөс хамтран хэрэгжүүлж буй “Нутгийн өөрөө удирдах байгууллагын чадавхыг бэхжүүлэх нь” төслийн хүрээнд зохион байгуулагдсан сургалтад эхний ээлжинд Өлгий, Бугат, Алтай, Дэлүүн, Ногооннуур сумдын ИТХ-ын Төлөөлөгчид хамаарагдаж байна. 

Сургалтын нээлтэд аймгийн ИТХ-ын дарга Д.Бауыржан, аймгийн Засаг дарга А.Гылымхан нар оролцож үг хэллээ. Сумын ИТХ-ын  төлөөлөгчдөд зориулсан сургалтыг аймгийн ИТХ-ын нарийн бичгийн дарга, сургагч багш А. Серикболат, Ховд аймгийн ИТХ-ын нарийн  бичгийн дарга, мастер сургагч багш Б. Сандагсүрэн, Хэнтий аймгийн үндэсний сургагч багш   Ө. Цогбадрах, залуу сургагч багш А. Елдос нар удирдан явуулж байна.