Өнөөдөр аймгийн ИТХ-ын Байгаль орчин, боловсрол, соёл, спорт, аялал жуулчлалын  хороо хуралдаж,  даргыг сонгож,  хорооны 2017 онд хийх  ажлын төлөвлөгөөг хэлэлцлээ. Хорооны даргаар аймгийн ИТХ-ын төлөөлөгч Х.Хайратыг сонгов. Төлөвлөгөөнд  аймгийн хэмжээнд тулгамдаж байгаа зарим  асуудлыг тусгаж, хэрэгжүүлэхээр шийдвэрлэв. Үүнд:
- Боловсролын  салбарын тулгамдсан асуудал, түүнийг тодорхойлох, хэлэлцүүлэх зохион байгуулах,  шийдвэрлэх арга замын талаар
- Боловсролын салбарт  хүүхэд, сургууль, эцэг эхийн оролцооны  талаарх бодлого,  төлөвлөлт
- Өлгий хотын өнгө үзэмж, хог хаягдлын талаар авах арга хэмжээ
Мөн хяналт, шалгалтын  чиглэлээр байгаль орчны багц хуулийн хэрэгжилтийг хангуулах, хяналт тавих ажлын  хэсгийг аймгийн ИТХ-ын Тэргүүлэгчдийн хуралдаанаар батлуулж, жилийн турш ажиллуулж, үр дүнг хэлэлцэхээр болов.