Аймгийн Эмэгтэйчүүдийн холбооны санаачилгаар аймгийн ИТХ-ын дарга, Засаг даргын нэрэмжит нийгмийн эмзэг бүлгийн хүүхдийн сүлд модны наадам анх удаа зохион байгуулагдаж, энэхүү арга хэмжээнд аймгийн ИТХ-ын дарга Д.Бауыржан, аймгийн Засаг дарга А.Гылымхан, аймгийн Хөдөлмөр, халамж үйлчилгээний газрын дарга Б.Сьезхан, Улаан загалмайн хорооны дарга Х.Ертай,  аймгийн Эмэгтэйчүүдийн холбооны тэргүүн К.Майрагүл  нар  оролцлоо. Амьдралын  нөхцөл бололцоо муу, эмзэг бүлгийн хүүхдүүдэд аль болох амьдралд өчүүхэн ч гэсэн гэрэл гэгээ бэлэглэх зорилгоор уг арга хэмжээг жил бүр зохион байгуулах болно.