Зохиолч, яруу найрагч М.Хурманханы нэрэмжит аймгийн Хөгжимт Драмын театр байгуулагдсаны 60 жилийн ойг тохиолдуулан өнөөдөр  эрдэм шинжилгээний бага хурал боллоо. Уг бага хуралд «Баян-Өлгий аймгийн тайзны урлаг түүний хөгжил, дэвшил ба цаашдын чиг хандлага» сэдвээр Ховд их сургуулийн Баян-Өлгий аймаг дахь салбар сургуулийн багш У.Батцэцэг, «Театрын уран бүтээлийг дүрсжүүлэн хадгалахын учир шалтгаан» сэдвээр Япон Улсын иргэн Фуки Яаги, «Баян-Өлгий аймгийн тайзны урлагийн хөгжил, цаашдын чиг хандлага» сэдвээр аймгийн Татварын хэлтсийн ажилтан И.Игилик, «Отаудан ордаға айналған өнер орталығы» сэдвээр аймгийн Нийгэм, эдийн засгийн судалгааны төвийн ажилтан Б.Гүлнур, «Урианхай уртын дууны өнөөгийн байдал» сэдвээр Ховд их сургуулийн Баян-Өлгий аймаг дахь салбар сургуулийн оюутан Ц.Энхтөр,  «Баян-Өлгий аймгийн тайзны урлагийн тулгамдаж буй зарим асуудал ,шийдвэрлэх арга зам» сэдвээр Нийтийн номын сангийн захирал Т.Ермек нар илтгэл тавилаа.