Баян-Өлгий аймгийн Булган сумын Цүнхэл, Улаанхус багт халдварт мялзан өвчин илэрсэнтэй холбоотой энэ өвчнөөс урьдчилан сэргийлэх вакцинжуулах ажил тус аймгийн есөн суманд хийж дууслаа.

Эдгээр сумын 1.16 сая толгой малыг мялзан, шүлхийнээс хамгаалах вакцинжуулалтад хамруулахаар төлөвлөн аравдугаар сарын 13-наас уг ажлыг эхэлж, 1.28 сая толгой малыг вакцинжуулав.

Төв, суурин газарт Булган сумаас мал оруулж ирэхийг хатуу хориглоод байна. Бусад сумдаас оруулаад ирсэн малын гарал үүслийн гэрчилгээг аймаг дахь Цагдаагийн газраас нарийн шалгаж байна.