Аймгийн Засаг дарга А.Гылымхан Ховд аймагт ажиллах үеэр Ховд Их Сургуульд суралцаж буй Баян-Өлгий аймгийн оюутнуудтай уулзалт хийлээ. Энэхүү уулзалтаар тус аймгаас суралцаж буй оюутнуудад чиглүүлэн хэрэгжүүлэхээр зорьж буй ажлуудаа танилцуулсны зэрэгцээ оюутнуудын санал бодлыг сонслоо.
Мөн тус сургуульд амжилттай суралцсан оюутнуудад сургалтын төлбөр болон дотуур байрны төлбөрийн тэтгэлэг олгох, оюутны холбооны үйл ажиллагаанд санхүүгийн дэмжлэг үзүүлэх зэрэг оюутнуудыг урамшуулж ажиллахаар болсныг илэрхийллээ.