үүнээс 2-р сургууль, Спортын төрөлжсөн сургууль Хөгжлийн бэрхшээлтэй иргэдэд саадгүй зорчих налуу замыг стандартын дагуу хийсэн байна. Харин аймгийн ЗДТГ, Эрдэнэбулган сумын ЗДТГ, Мэргэжлийн хяналтын газар, Нийгмийн халамж үйлчилгээний хэлтэс зэрэг байгууллагуудын үйлчилгээ тус иргэдэд хүртээмжгүй байсан ажээ. Эдгээр байгууллагуудын зарим нь тэргэнцэртэй иргэдэд зориулсан шатыг хийсэн байгаа боловч яг стандартын дагуу бус болохоор иргэд гарч ороход хүндрэл учирдаг байна.

Үнэлгээнд хамрагдсан байгууллагын 3 хувь нь Хөгжлийн бэрхшээлтэй иргэдэд зориулсан налуу замыг стандартын дагуу хийсэн, 13 хувь нь налуу зам хийсэн боловч стандартын шаардлага хангаагүй харин огт хийгээгүй 3 байгууллага байжээ. Үнэлгээнд хамрагдсан байгууллагуудын 20 % нь маш сайн, 15 % нь дунд, 30 % нь муу гэж дүгнэгдсэн байна. Тодруулбал тэргэнцэртэй хүн орох хаалга, хонгилын өргөний стандарт боломжийн ч хөгжлийн бэрхшээлтэй иргэдэд зориулсан тусгай бүсчлэл, ариун цэврийн өрөөний стандарт хангалтгүй байсан аж. Мөн харааны бэрхшээлтэй иргэдэд зориулсан хана дагасан бариул, сонсголын бэрхшээлтэй иргэдэд зориулсан тэмдэг тэмдэглэгээ байдаггүй байна.