10-р сарын 21-22 өдрүүдэд Завхан аймагт “Нийгмийн даатгалын сангийн багц хуулиудын шинэчилсэн найруулгын төсөл” үндэсний хэлэлцүүлгийн хөтөлбөр боллоо. Уг хэлэлцүүлэгт ХАХНХЯамны СБТГазрын ахлах мэргэжилтэн Ц.Дашдондог, мөн яамны Нийгмийн даатгалын албаны дарга А.Хишигбаяр, Нийгмийн даатгалын багц хуулийн үндэсний зөвлөх Н.Тунгалаг, мөн Баян-Өлгий, Ховд, Увс, Говь-Алтай, Баянхонгор, Завхан аймгийн төлөөлөгчид оролцсон хэлэлцүүлгийн явцад нийт 49 санал гарснаас 17-г нь уг хэлэлцүүлгээс гарах зөвлөмжид тусгахаар боллоо.

Манай аймгийг төлөөлж:

1. Нийгмийн Даатгалын Хэлтсийн ахлах мэргэжилтэн Д.Даргерхан
2. Аймгийн Иргэний танхимын зохицуулагч М.Мейрамбек
3. Ахмадын Холбооны төлөөлөгч Х.Бейбитхан
4. Үйлдвэрчний Эвлэлийн Холбооны дарга А.Кеншилик нарын 4 хүн оролцов.

Манай аймгийн оролцогчид 6 санал гаргаснаас 3-ыг нь уг хуулиудын төсөл тусгахаар болсон нь манай аймгаас оролцсон төлөөлөгчдийн ажлын үр дүн билээ.

Энэхүү үндэсний хэлэлцүүлэг Дэлхийн банкны санхүүжилтээр хэрэгжиж байгаа юм.