Орон нутагт хувиараа хөдөлмөр эрхэлж байгаа аж ахуйн нэгж, иргэдийн бараа бүтээгдэхүүнийг  борлуулах “Өлгийд үйлдвэрлэв”  цэгийн нээлтийн арга хэмжээ 2015 оны 10 дугаар сарын 14-ний өдөр “Хостерек” худалдааны төвд боллоо.

Уг арга хэмжээний  гол зорилго бол жижиг дунд үйлдвэрийг дэмжих, аймагт үйлдвэрлэсэн бараа бүтээгдэхүүнийг орон нутагт сурталчлах, ажлын байрыг нэмэгдүүлэх юм.

Аймгийн Хөдөлмөрийн хэлтсээс зохион байгуулсан арга хэмжээний нээлтэнд аймгийн ИТХ-ын дарга Б.Лазатхан, жижиг дунд үйлдвэрийн  зээлд хамрагдсан иргэд аж ахуйн нэгжүүдийн төлөөлөл оролцлоо.