Аймгийн нутаг дэвсгэрт үйл ажиллагаа явуулж буй байгууллагуудад холбогдох хууль тогтоомжийн хэрэгжилтийг шалгаж, заавар зөвлөмж өгөх, илэрсэн зөрчил, дутагдлыг арилгуулах,санал дүгнэлт гаргах, хуулийн хэрэгжилтийг хангуулах зорилгоор Баян-Өлгий аймгийн ИТХ-аас удирдамж баталсан юм. Хяналт шалгалт хийх ажлын хэсгийн бүрэлдэхүүнд аймгийн ИТХ-ын 5 хороодын  дарга, гишүүд, холбогдох мэргэжлийн байгууллагуудын төлөөллийг оролцуулсан болно. 
Уг удирдамжийн дагуу 2015 оны 09 дүгээр сарын 29-ний өдөр Байгаль орчин, соёл, спорт, аялал жуулчлалын хороо аймгийн Байгаль орчин, аялал жуулчлалын газарт дараах чиглэлээр хяналт, шалгалт хийлээ. Үүнд:

• Байгаль орчны хяналт, үр дүн
• Байгалийн баялгийг нөхөн сэргээх талаар хэрэгжүүлсэн арга хэмжээ, үр дүн
• Байгалт хамгаалагчийн эрх, үүрэг
• Байгаль орчныг хамгаалахад төрийн бус байгууллагын оролцоо
• Мэдээллийн сангийн баяжуулалт
• Байгалийн баялгийн нөөц ашигласны төлбөр, хураамж
• Байгаль орчинд учруулсан хохирлыг нөхөн төлүүлэх талаар авсан арга хэмжээ, үр дүн
• Салбар хороодын хамтын ажиллагаа, ажлын уялдаа холбооны талаар
• Усны нөөцийг хамгаалах талаар авч хэрэгжүүлсэн арга хэмжээ
• Ус ашиглах гэрээ байгуулах, цуцлах
• Ус ашигласны төлбөрийн төвлөрүүлэх
• Аялал жуучлалын тухай хуулийн хэрэгжилт
• Хүний эрхийг хангах, хамгаалах чиглэлээр  зохиож буй ажил, түүний биелэлт,  үр дүн
• Ажлын хариуцлага болон ёс зүйн зөрчил гаргасан ажилтан, албан хаагч нарт хариуцлага тооцож ажилласан байдал
• Иргэд, албан хаагчдын өргөдөл, гомдлын шийдвэрлэлтийн байдал
• Мэдээллийн ил тод байдал

Гарсан зөрчил дутагдлыг арилгуулах, хуулийн хэрэгжилтийн хангуулах талаар санал дүгнэлтийг  аймгийн ИТХ-ын Тэргүүлэгчдийн хуралдаан болон аймгийн Засаг даргын зөвлөлд 2015 оны 12 дугаар сарын  15-ны дотор танилцуулахаар боллоо.