Монгол Улсын Ерөнхийлөгчийн 2015 оны 05-р сарын 27-ны өдрийн 79 тоот зарлигаар олон хүүхэд төрүүлж өсгөсөн эхчүүдэд “Алдарт эх”-ийн 1,2-р зэргийн одон гардуулахаар болсон билээ.

Улаангом сумаас 1-р одонгоор 7, 2-р одонгоор 85 нийт 92 эх шагнагдсан бөгөөд Алдарт эхчүүдийн одонг Эх үрсийн баярын өмнө “Галдан бошигт” хааны хүндэтгэлийн өргөөнд ёслол төгөлдөр гардуулж өглөө.

Ёслолд Аймгийн ИТХ-ын дарга Ч.Чимэд, Аймгийн ИТХ-ын нарийн бичгийн дарга Х.Төртогтох, АЗДТГ-ын НХХ-ийн дарга Б.Ядамсүрэн, Улаангом сумын ИТХ-ын дарга Б.Жавхлантөгс, Улаангом сумын Засаг дарга О.Ганхуяг нар оролцож эхчүүдэд Алдарт эхийн одон тэмдэгийг гардуулан өглөө.