Монгол Улсын Засгийн газар, Нэгдсэн Үндэсний байгууллагын хөгжлийн хөтөлбөрөөс бодлого боловсруулах, стратеги төлөвлөлт, хяналт шинжилгээ үнэлгээ хийх, үндэсний хэмжээнд төлөвлөлтийг илүү уялдаатай, зохицуулалттай болгох, бодлого төлөвлөлтийн баримт бичгийг боловсруулах,  засаг захиргааны нэгжүүдэд ажиллаж буй ажилтнуудын чадавхыг сайжруулах зорилгоор Монгол Улсын "Хөгжлийн бодлого, төлөвлөлтийн тогтолцоог бэхжүүлэх" төсөл  хэрэгжүүлж байна.
Уг төслийн хүрээнд Баян-Өлгий аймгийн бүх сумдын ИТХ-ын дарга, Засаг дарга,  төрийн сангийн төлөөлөгч, ЗДТГ-ын нийгмийн бодлогын түшмэл, аймгийн зарим хэлтсийн дарга нарт "Орон нутгийн статистикийн үзүүлэлт, тэдгээрийг бодлого төлөвлөлтөд ашиглах нь" сэдэвт сургалт зохион байгуулагдлаа.
Уг сургалтанд аймгийн ИТХ-ын дарга Б.Лазатхан,Засаг дарга Х.Дармен нар оролцож, Хурлын дарга сургалтыг нээж үг хэллээ.