Ц.Алимаа төлөөлөгч эмнэлэгт диализ, дурангийн багаж шаардлагатай байна. Наадмын талбайд нэмж өгөх гэж буй 124 сая төгрөгийг татаж, эндээс шийдэж өгнө үү гэсэн санал гаргасан. Дээрх саналыг төлөөлөгч М.Ганбаатар дэмжиж саналаа хэлж байлаа. Түүнчлэн Гашууны голын гүүрэнд бэхэлгээ хийх шаардлагатай. Ачааллаа даахгүй болсныг онцолсон.
Төлөөлөгч Д.Ядамжав ой зохион байгуулна гэдэг бол том ажил. Иргэдээ зохион байгуулж, тэдний санаачилгыг өрнүүлж, зорилго хүчийг нэгтгэх хэрэгтэй. Улаангом сум үүнд онцгой санаачилга гаргах хэрэгтэй. Иргэдтэйгээ хамтран ажиллах хэрэгтэй хэмээсэн. Ийнхүү төлөөлөгчдийн хэлсэн саналд санал хураалаа. Төлөөлөгчдийн дийлэнх олонхийн саналаар наадмын талбайн 124.6 сая төгрөг, Малчин сумын дотуур байрны 186.4 сая төгрөгийг хасаж, өөр зүйлд зарцуулахаар боллоо.
Төлөөлөгчдөөс гарсан саналын дагуу Цэдэнбалын талбайн засвар тохижилтод 68.4 сая төгрөг, Нэгдсэн эмнэлэгт диализ, дурангийн аппарат авахад 117 сая төгрөг, наадмын талбайгаас хассан 124 сая төгрөгийг баяр наадмын зардалд нэмэх эсэхийг тус бүрт нь санал хурааж олонхийн саналаар дэмжлээ.
