Өнөөдөр /2024.09.04/ Чингэлтэй дүүргийн иргэдийн Төлөөлөгчдийн Хурлын дарга Б.Мөнхбат, Засаг даргын орлогч З.Бямбажав, Гэмт хэргээс урьдчилан сэргийлэх ажлыг зохицуулах салбар зөвлөлийн Ажлын албаны дарга Т.Идэрцагаан, дүүргийн ЭМТ-ийн менежер Т.Нямжав нар дүүргийн 13-19 дүгээр хорооны нутаг дэвсгэрт үйл ажиллагаа явуулж буй Өрхийн эрүүл мэндийн төвүүдийн орчин нөхцөл, эмчилгээ, үйлчилгээ, барилгын засвар, өргөтгөл, шинэчлэлт, инженерийн шугам сүлжээтэй холбоотой тулгамдаж буй асуудлуудтай танилцаж, холбогдох арга хэмжээг авч ажиллахаар боллоо.
Мөн өрхийн эрүүл мэндийн төвийн дарга, нийгмийн ажилтан нар нь хүүхэд хамгааллын хамтарсан багийн гишүүнээр ажилладгийн хувьд хамтарсан багийн үйл ажиллагааг дэмжиж, эрсдэлт нөхцөлд байгаа хүүхдэд шаардлагатай тусламж, үйлчилгээ үзүүлэхэд анхаарч, хүүхэд хамгааллын ажлыг үр дүнтэй зохион байгуулахыг үүрэг болгов.
