Аймгийн ИТХ-ын ажлын албанаас “Орон нутаг дахь эмэгтэйчүүдийн өмнө тулгамдаж буй асуудал, хэрхэн шийдвэрлэх арга” сэдэвт уулзалт хэлэлцүүлгийг зохион байгууллаа. Уулзалтад аймгийн ИТХ-ын төлөөлөгч эмэгтэйчүүд, Төрийн болон  болон ТББ-ын эмэгтэй удирдагч нар, Иргэний нийгмийн байгууллагын тэргүүн эмэгтэйчүүд урилгаар оролцлоо. Аймгийн ИТХ-ын дарга Б.Батжаргал, ИТХ-ын нарийн бичгийн дарга Б.Батцэцэг нар аймгийн эмэгтэйчүүдийн одоогийн нөхцөл байдлын талаарх мэдээлэл хүргэж, нийгмийн үйл явцад эмэгтэйчүүд хэрхэн оролцож байгаа, эмэгтэйчүүдийн өмнө тулгамдаж  буй асуудлууд, түүнийг хэрхэн даван туулахад төрийн зүгээс анхаарч ажиллах талаар оролцогч эмэгтэйчүүдийн саналыг сонсож холбогдох байгууллагуудад уламжлахаар боллоо.