“Нээлттэй Баян-Өлгий-2023” эдийн засгийн чуулга уулзалтын үндсэн арга хэмжээ буюу нээлтийн үйл ажиллагаа боллоо.
Нээлтийн үйл ажиллагаанд Монгол Улсын Засгийн Газар, Яам агентлагуудын төлөөллүүд, аймаг, сумдын удирдлагууд, гадаад, дотоодын зочид төлөөлөгчид, иргэд, Аж ахуйн нэгж байгууллагууд, Төрийн бус байгууллагын төлөөллүүд оролцож байна.
“Нээлттэй Баян-Өлгий -2023” эдийн засгийн чуулга уулзалтыг нээж аймгийн ИТХ-ын дарга Ш.Хавыл мэндчилгээ дэвшүүлэв.
Монгол Улсын Ерөнхий сайд Л.Оюун-Эрдэний мэндчилгээг Хөдөлмөр Нийгмийн Хамгааллын дэд сайд С.Зулпихар танилцуулав.
“Нээлттэй Баян-Өлгий-2023” эдийн засгийн чуулга уулзалтын үндсэн илтгэлийг аймгийн Засаг дарга А.Камелият танилцууллаа.
