Монгол Улсын Их Хурлын сонгуулийн тухай хуульд оруулсан нэмэлт, өөрчлөлт болон Улс төрийн намын тухай хуулийн шинэчилсэн найруулгыг тайлбарлан таниулах сургалт, уулзалтыг аймгийн ИТХ-ын ажлын алба, ЗДТГ-тай хамтран Сонгуулийн ерөнхий хорооноос зохион байгуулж байна.
Сургалт уулзалтаар байнгын бус ажиллагаатай сонгуулийн байгууллагад ажиллах төрийн албан хаагчдад Улсын Их Хурлын сонгуулийн тухай хуулийн нэмэлт өөрчлөлт, онцлог зохицуулалт, сонгууль зохион байгуулах үйл ажиллагаанд анхаарах асуудал зэрэг сэдвээр батлагдсан хөтөлбөрийн дагуу сургалт зохион байгуулагдана.
Сургалтыг аймгийн ИТХ-ын дарга Ш.Хавыл нээж Сонгуулийн хорооны ажлын албаны ахлах референт Т.Гүенбаатар, мэргэжилтэн Г.Ариунболд нар арга зүйгээр хангаж ажиллана.
