Монгол Улсын Шадар сайдтай Дархан-Уул аймгийн Засаг даргын байгуулсан гэрээний хэрэгжилтийг хангах ажлын хүрээнд Шарын гол суманд Гамшгаас хамгаалах иж бүрэн сургуулийг энэ сарын 24-26-ны өдрүүдэд зохион байгууллаа.
Шарын гол сумын иргэдийг нүүлгэн шилжүүлэх хуаран дээр 500 орчим иргэн, ажилтан, алба хаагч хамрагдаж, гамшгаас хамгаалах мэдлэг, мэдээлэл, хүч хэрэгслийн бэлтгэл, бэлэн байдлаа дээшлүүлж ажиллав.
Тактикийн үзүүлэх сургуульд сумын гамшгаас хамгаалах ерөнхий зориулалтын мэргэжлийн ангийн томилгоот бүрэлдэхүүн, хуулийн этгээдийн ажилтан, алба хаагчид оролцож, байгууллага хоорондын уялдаа холбоог хангалаа.
Тус суманд зохион байгуулсан Гамшгаас хамгаалах иж бүрэн сургуульд сумын Засаг дарга, Онцгой комисс, орон нутгийн гамшгаас хамгаалах ерөнхий зориулалтын мэргэжлийн анги идэвх санаачилгатай оролцож, ажилласныг сургуулийн удирдагч, ОБГ-ын орлогч, Урьдчилан сэргийлэх тасгийн дарга, дэд хурандаа Х.Энхнасан дадлага сургуулийг дүүрэн хангалттай гэж дүгнэлээ.
Тус сургуулийг зохион байгуулснаар Шарын гол сумын 584 иргэн болзошгүй эрсдэлээс урьдчилан сэргийлэх, мэдлэг, дадлагатай боллоо.
