Улсын тэргүүний Бөхмөрөн сумын УБ хот дахь нутгийн зөвлөл, удирдах зөвлөлийн гишүүд, Сумын удирдлагуудыг хамарсан уулзалт амжилттай боллоо. Тус уулзалтын үеэр түүхт 100 жилийн ойгоо тэмдэглэн өнгөрүүлэх, ойг угтан зохион байгуулах ажлын талаар, ойн ажлыг зохион байгуулах ажлын хэсгийн талаар хэлэлцэж урьдчилсан байдлаар зарим зүйлсийг шийдвэрлэлээ. Тус үеэр Бөхмөрөн сумын уугуул Үрээхэйн Цэрмаа гуай үр хүүхэд гэр бүлийнхээ хамтаар ЕБС-ын Хими, Физикийн кабинет тохижуулах ажилд 15 сая төгрөгийн бүтээн байгуулалт хийж, шаардлагатай тоног төхөөрөмжөөр хангах ажлыг хийж гүйцэтгэхээ мэдэгдлээ. Мөн сумын уугуул хүү Б.Галмандах түүхт 100 жилийн ойг угтан баяр наадмын асар 3 ширхэгийг хийж , энэ жилийн улсын баяр наадмаас өмнө хүлээлгэж өгөхөө мэдэгдлээ. Түүнчлэн Бөхмөрөн сумын 100 жилийн түүхэнд хамгийн том амжилтыг үзүүлж Шатрын спортоор дэлхийн аварга цол хүртсэн Б.Буянхишиг охинд сумын удирдлагууд хүндэтгэл үзүүллээ.
