Баян-Өлгий аймгийн Цагдаагийн газраас аймгийн Гэмт хэргээс урьдчилан сэргийлэх ажлыг зохицуулах салбар зөвлөлтэй хамтран Ерөнхий боловсролын бүрэн дунд сургуулийн сурагчдын дунд “Хүүхэд бүр байгаль хамгаалагч” гар зургийн уралдааныг зохион байгуулж дүнгээ гаргалаа.
Уралдаанд нийт 120 бүтээл ирж, Тэргүүн байрыг “Бастама” бүрэн дунд сургуулийн 10 дугаар ангийн сурагч Х.Бахытберген, Дэд байрыг Өлгий сумын 3 дугаар сургуулийн 10 дугаар ангийн сурагч М.Еркегүл, Гутгаар байрыг Буянт сумын 8 дугаар ангийн сурагч С.Амина нар тус тус эзэлжээ.
Шагналт байранд шалгарсан хүүхдүүдийн шагналыг аймгийн ИТХ-ын дарга Ш.Хавыл, Цагдаагийн газрын дарга дэд хурандаа Ө.Танат нар гардуулж баяр хүргэлээ.
