Төв аймгийн Гэмт хэргээс урьдчилан сэргийлэх ажлыг зохицуулах салбар зөвлөл болон Монголын иргэний аюулгүй байдлын академи хамтран ерөнхий боловсролын дунд, ахлах ангийн сурагчдыг хамруулан “Сурагчийн аюулгүй байдал” сургалт зохион байгууллаа.

Уг сургалт нь хүүхдийг болзошгүй гэмт хэрэг, зөрчлөөс урьдчилан сэргийлэх, хүүхдэд аюулгүй байдлын цогц мэдлэг түгээж, гэмт хэргээс урьдчилан сэргийлэх ажлыг идэвхжүүлэх зорилготой юм.

Сургалтын хөтөлбөрт хүүхдийн аюулгүй байдлыг хангах үндсэн хэрэгцээ шаардлага, болон манай улсад хүүхдийн эсрэг үйлдэгдэж буй гэмт хэргүүдээс урьдчилан сэргийлэх арга, тактикийг багтаасан байна. Сургалтыг хөтөлбөрийн дагуу мэргэшсэн багш нар удирдан зохион байгууллаа.