Төв аймгийн Баянжаргалан сум нь 1923 онд байгуулагдсан, 237,6 га нутаг дэвсгэртэй, 609 өрхийн 1735 хүн амтай, үүнээс 341 нь малчин өрхтэй, 207899 толгой малтай сум юм.

Тус сумын иргэд нь гол төлөв мал аж ахуйн үйлдвэрлэл эрхлэн амьдардаг бөгөөд цаг уурын хувьд зуны улиралд хуурай сэрүүн өвөл нь хүйтэн сэрүүвтэр уур амьсгалтай юм.

Баянжаргалан сум нь 2022 оны 04 дүгээр сарын 25 ний байдлаар сумын хэмжээнд нийт 95380 хээлтэгч мал төллөхөөс 19076 хээлтэгч төллөж, төл бойжилт 60,5 %-тай байна.

Мөн сумын хэмжээнд малын гоц халдварт шүлхий өвчнөөс урьдчилан сэргийлэх вакцинжуулалт 04-дүгээр сарын 18 наас эхлэн хийгдэж 65,3%-тай явагдаж байна.