Монгол улсын Засгийн газрын Хэрэг эрхлэх газраас “Нутгийн өөрөө удирдах байгууллагын интституцийн чадавхыг бэхжүүлэх нь” дэд төслийн хүрээнд Монгол улсын Засгийн газрын хэрэг эрхлэх газраас аймаг, нийслэлийн иргэдийн Төлөөлөгчдийн хурлын үйл ажиллагааны шинээр боловсруулсан дүрэм, журмын төслийг хэлэлцүүлэх сургалтад аймгийн ИТХ-ын ажлын алба бүрэлдэхүүнээрээ оролцлоо.
Уг сургалтаар Монгол Улсын засаг захиргаа, нутаг дэвсгэрийн нэгж, түүний удирдлагын тухай хуулийн танилцуулга, Малын тоо толгойн албан татварын тухай хуулийн хэрэгжилт, нутгийн өөрөө удирдах байгууллагын оролцооны тухай, ИТХ-ын төлөөлөгчийг сонгогчдын саналаар эгүүлэн татах журмын төсөл, ИТХ-ын зөвлөлийн ажиллах журмын төсөл, орон нутгийн санг бүрдүүлэх, захиран зарцуулах, түүнд хяналт тавих тухай журмын төсөл зэрэг хэд хэдэн хуулийн төслийн танилцуулга хийгдэж, мөн аймгуудын Хурлын дарга нартай санал солилцох хэлэлцүүлэг боллоо.