Аймгийн ИТХ-ын 6-р Хуралдаан 73%-ийн ирцтэй хуралдлаа. Аймгийн ИТХ-ын ээлжит 6 дугаар хуралдааны хэлэлцэх асуудлын төлөвлөгөө ёсоор Аймгийн 2021 оны хөгжлийн жилийн төлөвлөгөөний хэрэгжилтийн явцыг Аймгийн Засаг дарга Д.Мөнхбаатар танилцуулж, уг асуудалд ИТХ-ын хороодоос хийсэн дүгнэлтүүдийг хэлэлцэж “Аймгийн 2021 оны хөгжлийн жилийн төлөвлөгөө”-ний дэвшүүлсэн 50 зорилт, 274 арга хэмжээний хэрэгжилтийн явцыг 70.20 хувийн гүйцэтгэлтэй буюу “Тодорхой үр дүнд хүрсэн” гэж дүгнэв.
Усны сан бүхий газрын онцгой болон энгийн хамгаалалтын бүс тогтоох тухай санал, мэдээлэл, түүнд Хурлын байгаль орчин, хөдөөгийн хөгжлийн хорооноос хийсэн дүгнэлтийг хэлэлцээд Усны сан бүхий газрын онцгой хамгаалалтын бүсийн хилийн заагийн солбицолыг тогтоолын нэгдүгээр, энгийн хамгаалалтын бүсийн хилийн заагийг солбицолыг тогтоолын хоёрдугаар хавсралтаар тус тус батлав.
Сэргэлэн, Алтанбулаг сумын зарим газрыг улсын тусгай хэрэгцээнд авах талаар санал уламжлах тухай, Аймгийн сумдын багийн нэрийг уламжлах тухай, Аймгийн иргэдийн Төлөөлөгчдийн Хурлын 2020 оны 11 дүгээр сарын 24-ний өдрийн 02 дугаар тогтоолын хавсралтад өөрчлөлт оруулах тухай зэрэг асуудлуудыг хэлэлцэж зохих шийдвэрүүдийг гаргалаа.