Монгол улсын Төв аймаг, ОХУ-ын Приморын хязгаар, БНХАУ-ын Жилинь муж, БНСУ-ын Кангвон муж, Япон улсын Тоттори мужуудын хамтын ажиллагааны 25 дахь удаагийн “Саммит-2021”-ыг БНСУ-ын Кангвон муж хариуцан зохион байгууллаа. “Саммит-2021” дээд хэмжээний уулзалтыг 2021 оны 10 сарын 15-ны өдөр “Энх тайван найрамдал хамтын хөгжилд зориулсан Зүүнхойд Азийн орнуудын орон нутгийн засаг захиргаа хоорондын хамтын ажиллагааны арга зам” сэдвийн дор цахимаар зохион байгуулахаар боллоо. Уг бэлтгэл ажлын зөвлөгөөнд манай аймгийг төлөөлж Аймгийн Засаг даргын орлогч Ц.Буманбуян, Аймгийн ЗДТГ-ын дарга С.Магнайбаяр, Аймгийн ЗДТГ-ын Төрийн захиргааны удирдлагын хэлтсийн гадаад харилцаа хариуцсан мэргэжилтэн Б.Баярмаа нар оролцлоо.