Өнөөдөр /2021/02/03/ Архангай аймгийн аялал жуулчлалыг хөгжүүлэх төрийн болон мэргэжлийн байгууллагуудын хамтарсан хэлэлцүүлэг боллоо. Хэлэлцүүлэгт аймгийн ИТХ-ын дарга Б.Батжаргал, аймгийн Засаг дарга Д.Золжаргал болон мэргэжлийн байгууллагуудын удирдлага, төлөөллүүд оролцсон юм. Хэлэлцүүлгийн эхэнд аймгийн БОАЖГ-ын дарга Г.Алтан-Очир Архангай аймгийн аялал жуулчлалын өнөөгийн нөхцөл байдлын талаар танилцуулж цаашид хийж хэрэгжүүлэх ажлыг хэд хэдэн агуулгаар гаргаж мэргэжлийн байгууллагын төлөөлөлтэй санал солилцлоо. Мөн аймгийн ГХБХБГ-ын дарга Ч.Отгонжаргал ‘’Архангай аймгийн нүүдлийн соёл, аялал жуулчлалын олон улсын төв болгон хөгжүүлэх төлөвлөгөө /2019-2030/’’-г танилцууллаа. Хурлаар Архангай аймгийн хэмжээнд Аялал жуулчлалын салбарыг хөгжүүлэх зайлшгүй хэрэгцээ шаардлага байгааг үндэслэн, бодлогын бичиг баримттай болох тухай хэлэлцэв. Үүний тулд нэн даруй ЗДТГ-ын дэргэд Аялал жуулчлалыг хөгжүүлэх ажлын хэсэг байгуулж, цар тахлын нөхцөл байдлаас хамааран ирэх дөрөвдүгээр сард нийт сумдыг хамарсан томоохон хэмжээний хэлэлцүүлэг зохион байгуулахаар төлөвлөлөө.