Аймгийн ИТХ-ын Тэргүүлэгчдийн 11 дүгээр хуралдаан өнөөдөр цахимаар хуралдлаа. Хурлаар: Аймгийн ИТХ-ын ээлжит II хуралдааны товыг тогтоож хуралдуулах тухай, Гамшгийн эрсдэлийг буруулах орон нутгийн зөвлөлийг шинэчлэн байгуулах тухай асуудлуудыг хэлэлцлээ. 

Аймгийн ИТХ-ын ээлжит II хуралдааныг 12 дугаар сарын 04-ны өдөр 13 цагт хуралдуулахаар шийдвэрлэв.

Ээлжит хуралдаанаар:

1. Аймгийн ИТХ-ын хороодыг байгуулж, бүрэлдэхүүн, ажиллах журмыг батлах

2. Аймгийн 2021 оны газар зохион байгуулалтын төлөвлөгөөг батлах

3. Аймгийн ИТХ-ын тогтоолыг хүчингүй болгох, тогтоолд өөрчлөлт оруулах тухай

4. Жендэрийн эрх тэгш байдлыг хангах хууль тогтоомжийн хэрэгжилтийн явц, үр дүнг танилцуулах тухай

5. Аймгийг хөгжүүлэх 2021-2025 оны таван жилийн үндсэн чиглэл батлах

6. Аймгийн Засаг даргын 2020-2024 оны үйл ажиллагааны хөтөлбөр батлах

7. Аймгийн хөгжлийн 2021 оны төлөвлөгөөг батлах.

8. Аймгийн 2021 оны төсвийг батлах тухай зэрэг асуудлуудыг хэлэлцүүлэхээр шийдвэрлэлээ.