Монгол Улсын Их Хурлын сонгуулийг зохион байгуулах,  мэргэжил арга зүйн  удирдлагаар  хангахаар аймгийн ИТХ-ын Тэргүүлэгчдийн хурлын саналыг үндэслэн Монгол улсын Сонгуулийн Ерөнхий хороо Баян-Өлгий аймгийн Сонгуулийн хороог 9 хүний бүрэлдэхүүнтэйгээр байгуулсан.

Аймгийн Сонгуулийн хороо өнөөдөр анхдугаар хурлаа хийж, цаашид  хэрэгжүүлэх үйл ажиллагааны  төлөвлөгөө, Сонгуулийн ерөнхий хорооноос баталсан хуралдааны дэг, журам, анхаарах асуудлуудын талаар хэлэлцэв.

УИХ-ын ээлжит сонгуулийн хорооны даргаар аймгийн ИТХ-ын Тэргүүлэгчдийн нарийн бичгийн дарга А.Серикболат, нарийн бичгийн даргаар аймгийн ЗДТГ-ын Хууль, эрх зүйн хэлтсийн ахлах мэргэжилтэн Ө.Тиянах, гишүүдээр Мэргэжил, сургалт үйлдвэрлэлийн төвийн сургалтын менежер Т.Жарас, Улсын бүртгэлийн хэлтсийн Иргэний бүртгэлийн тасгийн дарга Д.Аманбек, Мэргэжлийн хяналтын газрын хэлтсийн дарга Х.Бауыржан, Өлгий сумын 2 дугаар сургуулийн багш А.Толхын, Өлгий сумын ЗДТГ-ын ажилтан Х.Берден, ЗДТГ-ын Архивын тасгийн дарга  Б.Досжан, Боловсрол, соёл урлагийн газрын мэргэжилтэн К.Серикгүл нар сонгогдон ажиллаж байна.