2019 оны 10 дугаар сарын 11-ний өдөр 10 цаг 00 минутад Иргэдийн Төлөөлөгчдийн Хурлын Иргэний танхимд Эдийн засаг, санхүү, төсвийн зарцуулалт хөрөнгө оруулалтын ажлын хорооны зургаадугаар хуралдаан боллоо.
Хуралд ажлын хорооны дарга О.Энхтайван, гишүүд З.Болдбаатар, Д.Отгонсүрэн, Д.Бэгзцэрэн нар оролцож, 57.14 хувийн ирцтэй хуралдаж, “Налайх дүүргийн эдийн засаг, нийгмийг 2020 онд хөгжүүлэх үндсэн чиглэлийн төслийг танилцуулах тухай”, “Тэрэлж тосгон” байгуулах асуудлыг танилцуулах тухай” гэсэн нийт 2 асуудлаар хэлэлцэж санал дүгнэлт гаргаж ажиллаа.
Хуралдаанд ЗДТГ-ын Санхүү, Төрийн сангийн хэлтсийн дарга Г.Бат-Очир,
ЗДТГ-ын Төрийн захиргааны удирдлагын хэлтсийн Засаг даргын үйл ажиллагааны хөтөлбөр, эдийн засаг, нийгмийн үндсэн чиглэл хариуцсан мэргэжилтэн Б.Ариунхүслэн, ЗДТГ-ын Тохижилт, нийтийн үйлчилгээний хэлтсийн дарга Ц.Тунгалаг, дүүргийн 6 дугаар хорооны Засаг дарга Ц.Болд нар оролцож асуудал танилцуулсан юм.
