Нийгмийн бодлого,  хүний эрхийн ажлын хорооны 6 гишүүд ирэхээс 4 гишүүн ирж, 66,7%-ийн ирцтэйгээр 2019 оны 04 дүгээр сарын 01-ний өдөр ИТХ-ын Иргэний танхимд хуралдаж дараах асуудлыг хэлэлцэж дүгнэлт гаргалаа.

Нэг. Налайх дүүргийн Соёлын ордоны 60 жилийн ой тэмдэглэх тухай хэлэлцэж, дараах дүгнэлтийг гаргалаа. Үүнд:

1. Дүүргийн иргэдэд чиглэсэн соёл түгээх болон соёлын үйлчилгээг түлхүү зохион байгуулах;

2. Төсөв, санхүүгийн хүндрэлтэй үед ой тэмдэглэх санхүүжилтийн эх үүсвэрийг өөрсдийн нөөц боломжоороо төрөл бүрийн тоглолт үзвэр, уриалга, аян зохион байгуулж бий болгох;

3. Байгууллагынхаа орчин, өнгө үзэмжийг сайжруулах;

4. Тухайн салбарын ололт амжилтыг олон нийтэд мэдээлж сурталчлах, тухайн үед болон одоо ажиллаж байгаа ажилтан албан хаагчдын хөдөлмөр, бүтээлийг үнэлэн алдаршуулах зэрэг бүтээлч ажлыг зохион байгуулах.

Хоёр. Налайх дүүргийн 4-р хороонд шинээр байгуулагдаж буй “Бирлик Мечид” шашны байгууллагын хүсэлтийг хэлэлцэж, дараах дүгнэлтийг гаргалаа. Үүнд:

Сүм, хийд шинээр байгуулахад бүрдүүлэх баримт бичгийн бүрдлийг хангаж, зөвшөөрлийн хүрээнд үйл ажиллагаагаа явуулах;

Байгуулагдснаас хойш шашны байгууллагынхаа тайлан мэдээг дүүргийн иргэдийн Төлөөлөгчдийн Хурлын Ажлын албанд тогтмол хугацаанд өгч, эргэх холбоотой ажиллах;

4-р хорооны иргэдийн Нийтийн Хурлаас тухайн шашны байгууллага байгуулахыг дэмжсэн тогтоол шийдвэр, тэмдэглэлийг авчирч дүүргийн иргэдийн Төлөөлөгчдийн Хурлын Тэргүүлэгчдийн хуралдаанд оруулж хэлэлцүүлэх.

. Дээрх асуудлуудын дагуу ажлын хорооноос гарсан санал, дүгнэлтийг дүүргийн иргэдийн Төлөөлөгчдийн Хурлын Тэргүүлэгчдийн хуралд өргөн барихаар болов.