Нийслэлийн Гэр хорооллын дахин төлөвлөлтийн газраас зарласан “Сайхан сэтгэлийн аян” Чингэлтэй дүүргийн 8 дугаар хороонд үргэлжилж байна. Энэхүү аяны хүрээнд өнөөдөр буюу гуравдугаар сарын 11-ны өдөр Чингэлтэй дүүргийн 8 дугаар хороотой хамтран 10 айл өрхөд гурил, элсэн чихэр, ургамлын тос гардуулан өглөө. Үйл ажиллагаанд тус хорооны Засаг дарга Л.Баярсайхан, Гэр хорооллын дахин төлөвлөлтийн газрын дарга Ч.Батбилэг нар оролцож, иргэдэд аяны талаар мэдээлэл хийлээ.