Аймгийн иргэдийн Төлөөлөгчдийн Хурлын Хүнс, хөдөө аж ахуй, үйлдвэр худалдаа, дэд бүтцийн хороо хуралдаж 2019 оны үйл ажиллагааны төлөвлөгөөг гаргалаа.
Хорооны хуралд ХХААГазар, ЖОЛ ХХК, ГХБХБГазар, ЦШСГазар зэрэг байгууллагуудын төлөөллүүд урилгаар оролцож тус хорооны 2019 оны жилийн үйл ажиллагааны төлөвлөгөөнд оруулах саналуудаа танилцуулан цаашид уялдаа холбоотой ажиллахаар боллоо.
Тус хороон Нутгийн өөрөө удирдах байгууллагын чадавхыг бэхжүүлж, аймгийн дэд бүтцийг хөгжүүлэх бодлого баримталж, хяналт, шалгалтыг тогтмолжуулахад зохион байгуулалтын ажлаа чиглүүлнэ, орон нутгийн хөгжлийн сангаар 2019 оны төсвийн жилд хэрэгжүүлэх хөрөнгө оруулалтын төсөл, арга хэмжээний хэрэгжилтэд хяналт, шалгалт хийж ажиллах юм.