Баян-Өлгий аймгийн Нөхөрлөл хамтлаг М.Хурманханы нэрэмжит ХДТеатрт Жаргалын нутаг уран бүтээлээ толилууллаа.

Энэхүү тоглолтод элэг нэгт Өлгийчүүдийн, казак урианхай, дөрвөд, торгууд ахан дүүсийн эв нэгдэл нөхөрлөлийг харуулсан сайхан тоглолт болж. Үзэгчид үнэхээр нэг бахархал, омогшил дүүрэн нэгэн үдшийг өнгөрүүллээ.

Үндэсний уламжлалт Сар шинийн баярын босгон дээр ард түмэндээ эгшиг дуугаа өргөж буй тус хамтлагийн гишүүдийг аймгийн ИТХ-ын дарга Д.Бауыржан ИТХ-ын Хүндэт жуух, болон Хүндэт Өргөмжлөл гардуулан цаашдын уран бүтээлдэн амжилт хүсэн нийт ард иргэдийн өмнөөс талархал илэрхийллээ.

Тоглолтын төгсгөлд Нөхөрлөл хамтлагийн дуучид тоглолтоо хийхэд дэмжлэг үзүүлсэн хувь хүмүүс аж ахуйн нэгж байгууллагуудын удирдлагуудад баярласан талархсанаа илэрхийлж мөн аймгийн ИТХ-ын дарга Д.Бауыржанд залуучуудыг дэмжиж явдагт талархаж театрын түрээсийг чөлөөлж бусад олон талд дэмжлэг үзүүлсэнийг онцолж байлаа.