Монгол Улсын Ерөнхийлөгчийн  2010 оны зарлигаар  жил бүрийн  5, 10 дугаар саруудын  2 дахь долоо хоногийн Бямба гарагийг  Улс даяар  «Мод тарих өдөр»  болгосон билээ. Уг зарлигийн дагуу  Баян-Өлгий аймгийн  бүх албан байгуулага, аж ахуйн нэгжүүд  10 дугаар сарын  10-11-ний өдрүүдэд  өөрсдийн байгууллагын эргэн тойрон болон  Хүүхэд, залуучуудын парк, цэнгэлдэх хүрээлэн, бусад  ногоон байгуламжуудад мод тарив. Үүнд  Өлгий сумын төвд  үйл ажиллагаа явуулдаг төрийн 90-ээд байгууллагуудаас 65 нь идэвхтэй оролцож, нийт 2700 орчим  суулгац суулгав.