Монгол Улсын Их Хурлын гишүүн, Төрийн байгуулалтын байнгын хорооны дарга А.Бакей, Улсын Их Хурлын гишүүн  А.Тлейхан нар  2014 оны 9 дүгээр сарын 06-18-ны  өдрүүдэд  Баян-Өлгий аймагт ажиллаж, аймгийн  бүх сумдын ард иргэдтэй уулзалт хийж, УИХ-аас гарсан хууль, тогтоомжууд, улс орны  нийгэм, эдийн засгийн  өнөөгийн байдал, төрөөс баримталж буй бодлогын талаар танилцуулав. Мөн хот хөдөөгийн ард иргэдийн амьдрал ахуй, өвлийн бэлтгэлийн явцтай  танилцаж,  санал хүсэлтийг нь сонсож, шийдвэрлэх арга замын талаар санал бодлоо солилцов.