“Олон хүүхэд төрүүлж өсгөсөн эхийг урамшуулах тухай хууль” 2010 оны 06 дугаар 25-ны өдөр батлагдан 2011 оны 01 дүгээр сарын 01-ний өдрөөс эхлэн дагаж мөрдсөн. “Олон хүүхэд төрүүлж өсгөсөн эхийг урамшуулах тухай хууль”-ийн 3.2-д “Дөрөв болон түүнээс дээш хүүхэд төрүүлж өсгөсөн” гэдэгт бага хүүхэд нь нэг нас хүрэхэд дөрөв ба түүнээс дээш хүүхэдтэй байсан бөгөөд үүнд тэр үед 3 хүртэлх насанд нь үрчлэн авсан хүүхэд хамаарах ба харин эхийн төрүүлж бусдад үрчлүүлсэн хүүхэд хамаарахгүй гэж заасан. Уг хуулийн дагуу аймгийн ИТХ-ын Тэргүүлэгчдийн ээлжит 5 дугаар хуралдаанаар алдарт эхийн I зэргийн одонгийн болзол хангасан 74 эх , алдарт эхийн II зэргийн одонгийн болзол хангасан 386 эхийн материалыг аймгийн 13 сум тус бүрээс зохих журмын дагуу бүрдүүлж  Ерөнхийлөгчийн Тамгын газарт уламжлахаар шийдвэрлэлээ.