Өнөөдөр аймгийн ИТХ-ын нарийн бичгийн дарга А.Серикболатын албаны өрөөнд Алтай сумын ИТХ-ын дарга М.Амантай, нарийн бичгийн дарга С.Ерхулан, УЗАШХорооны зохицуулагч А.Муратбек нар тус сумын хуралд хийгдсэн ажлын талаар танилцуулга хийлээ.

Өнгөрсөн жилээс хойш  Алтай сумын ИТХ-ын ээлжит чуулган 4 удаа зохион байгуулагджээ. Түүнчлэн тус сумын Хурлын тэргүүлэгчид 20 удаа хуралдаж, 50 тогтоол гаргаж, 12 журам баталсан байна.

Одоогийн байдлаар Алтай сумын ИТХ-ын дэргэдэх 4 хороо ажиллаж байгаа. Сумын ИТХ-ын удирдлагын зүгээс албаны өрөөг тохижуулах зэрэг шинэлэг ажлуудыг зохион байгуулжээ.

Алтай сумын ИТХ-ын ажил байдалтай танилцсан аймгийн ИТХ-ын ажлын албаныхан хангалттай гэсэн үнэлгээ өглөө. Аймгийн ИТХ-ын дарга Д.Бауыржан, Нарийн бичгийн дарга А.Серикболат нар Алтай сумын ИТХ-ын ажлын албаныхны цаашдын ажлаас нь өндөр амжилт хүсэж, Монголын нутгийн удирдлагын шинэ тогтолцоо үүсэж хөгжсөний 25 жилийн ойн медалиар шагналаа.