-Алслагдсан дүүрэг болох 6-р хороог өрхийн эмнэлэгтэй болгох асуудлыг холбогдох газруудад уламжилснаар их эмчтэй болсон байна.
-Сургууль, цэцэрлэгийн хүртээмжийг нэмэгдүүлэх нэн шаардлагатай байсныг Боловсролын хэлтэст уламжилснаар 2018 онд тус хороонд шинээр сургууль, цэцэрлэг ашиглалтанд оруулахаар болжээ.
-Айл өрхийн хог ачих, тээвэрлэх асуудлыг иргэд маш ихээр хөндөж байсныг хорооны Засаг дарга түүний ажлын албанд уг асуудлыг шийдвэрлэхийг даалгасан байна. Үүнтэй холбогдуулан Засаг дарга Ц.Болдын санаачилгаар “Тэрэлж туул” ТББ-тай хамтран Баянцагааны хөтлөөс Тэрэлж хүртэлх айл өрх, аж ахуйн нэгжийн хог хаягдлыг ачиж, тээвэрлэх асуудлыг цогцоор нь шийдэж, хоггүй хороо болоод байна.
-Аялал жуулчлалын бүс нутаг болох тус хороонд Горхи тэлэлжийн байгалийн цогцолборт газартай хамтран хог хаях цэгийг байгуулж, аялагч, жуулчдын хогийг нэгдсэн шугамаар ачиж байна.
-Тус хороог эмийн сантай болгох асуудлыг шийдэхээр төлөвлөн ажиллаж байна.
“Хөгжлийн зөвлөл”-ийн гол зорилго нь Налайх дүүрэг, хороодын бүтээн байгуулалт, хөгжлийн бүхий л үйл ажиллагаанд иргэдийн оролцоог нэмэгдүүлэх, тэдэнд тулгамдаж асуудлыг холбогдох байгууллагад уламжлахад оршиж байгаа бөгөөд иргэн бүр өөрсдийн хороогоо хөгжүүлэх, амьдрах орчноо сайжруулах ажилд гар бие оролцох нөхцөл бүрдэж байна.

Тус хорооны хөгжлийн зөвлөлийн хийсэн ажлыг ирэх долоо хоногийн хоёр дахь өдөр Буян телевизийн "Цаг үе" нэвтрүүлгээр та бүхэндээ хүргэх болно. Д.Лочин ахлагчтай 6-р хорооны “Хөгжлийн зөвлөл”-ийн хамт олонд ажлын амжилт хүсэн ерөөе.

+5