Цэргийн гавьяаны одонт Монгол Улсын баатар Дамдины Намнангийн нэрэмжит хилийн цэргийн 0165 дугаар ангид “Хил хамгаалах байгууллага үүсч хөгжсөний 84 жил”-ийн ойн баярын арга хэмжээ боллоо.

Ойн арга хэмжээний үеэр Монгол Улсын баатар Дамдины Намнангийн гэгээн дурсгалд зориулан хөшөө босгож нээлтийн ажиллагааг хийв. Нээлтийн ажиллагаанд аймгийн ИТХ-ын дарга Д.Бауыржан, Засаг дарга бөгөөд Хил хамгаалах туслах хүчний зөвлөлийн дарга А.Гылымхан, ангийн захирагч хурандаа Б.Мөнхбат болон тус байгууллагад ажиллаж байсан үе үеийн ахмад хилчид, ажилчид оролцов.

Аймгийн ИТХ-ын 2015 оны 12 дугаар сарын 01-ний өдрийн Тэргүүлэгчдийн хуралдаанаар  хурандаа Б.Мөнхбат захирагчтай цэргийн гавьяаны одонт Хилийн 0165 дугаар ангийг Монгол Улсын баатар Дамдины Намнангийн нэрэмжит болгосон юм.