Аймгийн иргэдийн Төлөөлөгчдийн хурлын Ээлжит бус II хуралдаанаар  2021-2024 онд хэрэгжих ахмад настны “Ач санах” хөтөлбөрийг хэлэлцэн баталлаа.

Аймгийн иргэдийн Төлөөлөгчдийн хурлын Ээлжит бус II хуралдаанаар  “Орхон аймаг, Эрдэнэт хотыг 2021-2025 онд хөгжүүлэх таван жилийн үндсэн чиглэл”-ийн найман бүлэг, 32 зорилт, 165 арга хэмжээг 106 шалгуур, 119 үзүүлэлтээр хэмжиж, хүрэх түвшинг тодорхойлохоор хэлэлцэж баталлаа.

Залуучуудын идэвхтэй хариуцлагатай оролцоог хангах, хөгжих боломж олгоход чиглэсэн арга хэмжээг хэрэгжүүлж, өөрийн болон гэр бүл, нийгмийн өмнө хүлээсэн эрх, үүргээ ухамсарладаг болгох зорилгоор Орхон аймийн “Залуучуудын хөгжлийн хөтөлбөр”-ийг Аймгийн ИТХ-ын Ээлжит бус II хуралдаанаар баталлаа.

Аймгийн иргэдийн Төлөөлөгчдийн хурлын Ээлжит бус II хуралдаанаар багш, ажилтны хөгжлийг дэмжиж, мэдлэг, боловсрол, ур чадварыг нэмэгдүүлэх, тэдний ажиллах орчин нөхцөлийг сайжруулах, багшийн нэр хүнд, үнэлэмжийг дээшлүүлж, нийгмийн баталгааг хангах, хүний хөгжил, боловсролын байгууллагын өрсөлдөх чадварыг нэмэгдүүлэх зорилгоор “Багш” хөтөлбөрийг баталлаа.

 Аймгийн ИТХ-ын Тэргүүлэгчид, Хөгжлийн хороодын дарга нарт Ковид-19, Коронавирусын халдвараас урьдчилан сэргийлэх чиглэлээр Орхон аймгийн онцгой комисс, Шуурхай штабаас авч хэрэгжүүлж байгаа арга хэмжээ, үүсээд буй нөхцөл байдлын талаар мэдээлэл өглөө.

Орхон аймгийн Гэмт хэргээс урьдчилан сэргийлэх ажлыг зохицуулах салбар зөвлөлөөс Авлигагүй нийгмийн төлөө хамтдаа гэсэн уриалгыг дэвшүүлж, аймаг, сумын ИТХ-ын төлөөлөгч, багийн ажлын албанд авлигын эсрэг хууль тогтоомжийг сурталчилан тараах материалыг хүргүүллээ.

 Монгол улсын Ерөнхийлөгчийн 2021.06.02-ны өдрийн 137 дугаар зарлигаар шагнагдсан Уул уурхай, Эрчим хүч, Боловсрол, Эрүүл мэнд, Онцгой байдал, Хөдөө аж ахуйн салбарын нэр бүхий хүмүүсийн шагналыг аймгийн ИТХ-ын ажлын албанаас халдвар, хамгааллын дэглэмийг баримтлан гардуулан өглөө. Шагналыг аймгийн ИТХ-ын дарга Д.Мөнхбат, Засаг дарга С.Батжаргал, Засаг даргын орлогч А.Түвшинжаргал, М.Түмэнжаргал нар гардуулан өглөө.

Орхон аймгийн ИТХ-ын Ээлжит бус II хуралдаан 2021.06.30-ны өдөр 09:00 цагт Нутгийн удирдлагын ордонд хуралдахаар бэлтгэл ажлыг хангаж байна.

Шагналыг аймгийн ИТХ-ын дарга Д.Мөнхбат, Засаг дарга С.Батжаргал, Засаг даргын орлогч А.Түвшинжаргал нар гардуулан өглөө.

     2021 онд Орхон аймгаас Монгол улсын Ерөнхийлөгчийн зарлигаар Эхийн алдар нэгдүгээр зэргийн одонгоор 13, хоёрдугаар зэргийн одонгоор 248 ээжийг шагналаа. “Эхийн алдар” одонг УИХ-ын гишүүн Д.Батлут, аймгийн ИТХ-ын дарга Д.Мөнхбат, Засаг дарга С.Батжаргал, Засаг даргын орлогч М.Түмэнжаргал, А.Түвшинжаргал нар гурдуулан өглөө.

Орхон аймгийн Бүсийн оношилгоо эмчилгээний төвийн дүрс оношилгооны тасаг улсын төсвийн 1.3 тэрбум төгрөгөөр “Siemens” брендийн “Компьютер томографи”-ийн аппараттай боллоо.

Монгол, Беларусь хоёр улсын Засгийн газар хоорондын хамтын ажиллагааны хүрээнд “Орхон-Азза” ТӨХК урт хугацааны хөнгөлөлттэй зээлээр халуун асфальтаар хучих, цас цэвэрлэгээ, усалгааны 2 автомашинтай боллоо.

Тулгар төрийн 2230 жил, Их Монгол улс байгуулагдсаны 815 жил, Үндэсний эрх чөлөө, тусгаар тогтнолоо сэргээн мандуулсны 110 жил, Ардын хувьсгалын 100 жилийн ой, Ардчилсан хувьсгалын 32 жилийн ойг тохиолдуулан улс, орон нутгийн хөгжилд хувь нэмрээ оруулсан, эрхэлсэн ажилдаа олон жил үр бүтээлтэй ажилласан нэр бүхий хүмүүст Монгол улсын төрийн дээд одон, медаль гардууллаа.

Нэгдсэн үндэсний байгууллагын хөгжлийн хөтөлбөрийн баг Орхон аймагт ажиллаж байна. Өнөөдөр орон нутгийн удирдлагуудтай уулзаж, “Ухаалаг Эрдэнэт-1” төслийн хүрээнд нийтийн тээвэр, хог хаягдлын менежментийг сайжруулах чиглэлээр хэрэгжих төсөл хөтөлбөрүүдтэй хамтран ажиллах боломжтойгоо илэрхийлж, анхан шатны уулзалтыг зохион байгууллаа.

Монгол Улсын Ерөнхий сайд Л.Оюун-Эрдэнэ өнөөдөр Орхон аймагт ажиллалаа. Ерөнхий сайдын энэ удаагийн албан томилолтын ажлын хэсэгт Сангийн яамны сайд Б.Жавхлан, УУХҮЯ-ны сайд Г.Ёндон, ЭМЯ-ны сайд С.Энхболд, ЗГХЭГ-ын У.Бямбасүрэн болон бусад албаны хүмүүс багтжээ.

Орхон аймгийн Гэмт хэргээс урьдчилан сэргийлэх ажлыг зохицуулах зөвлөлөөс хүрээлэн буй орчны эсрэг гэмт хэрэг, зөрчлөөс урьдчилсан сэргийлэх, гэмт хэргийн хор уршгийг иргэд олон нийтэд таниулах, тэдний эрх зүйн мэдлэгийг дээшлүүлэх, соён гэгээрүүлэх зорилгоор “Байгалиа хамгаалъя” аяныг энэ сарын 25-ныг дуустал зохион байгуулж байна.

“Олон улсын сувилагч нарын өдөр”-ийг тохиолдуулан эрхэлсэн ажилдаа амжилт гаргаж, Эрдэнэт хотынхоо хүн амын эрүүл мэндийн энхийн манаанд зогсож байгаа 50 орчим сувилагч, тусгай мэргэжилтнүүдийг Эрүүл мэндийн яам, аймгийн иргэдийн Төлөөлөгчдийн Хурал, Засаг даргын нэрэмжит шагналаар шагнаж урамшууллаа.

Орхон аймгийн Эрдэнэ багаас аймгийн ИТХ-д сонгогдсон төлөөлөгч Д.Мөнхбат, С.Гандолгор Баян-Өндөр сумын иргэдийн төлөөлөгчдийн хуралд сонгогдсон төлөөлөгч Н.Отгонбилэг, Г.Эрдэнэбат нар Эрдэнэ багийн иргэдтэй цахим уулзалт хийж, цаг үеийн мэдээлэл хүргэн, тулгамдсан асуудалд хариулт өглөө.

Орхон аймгийн Баян-Өндөр сумын Уртын гол багт 2021 онд хийгдэх авто зам, инженерийн шугам, сүлжээ, үерийн далан, сувгийн бүтээн байгуулалт, түрээсийн орон сууцны барилгын ажлыг талаарх мэдээлэл хүргэх цахим хэлэлцүүлгийг Орхон аймгийн ИТХ-ын ажлын алба, Төлөөлөгч Д.Ганболд хамтран зохион байгууллаа.

Орон нугийн хөрөнгө оруулалтаар барьсан Эрдэнэ багийн усан санг ирэх сарын 15-нд ажиллуулах туршилт хийж, амжилттай болсон тохиолдолд улсын комисс хүлээн авахаар болжээ. “Эрдэнэ багийн усан санд өргөтгөлийн насос нэмж суурилуулах” ажлыг “Богатырь” ХХК 2016 онд хийж гүйцэтгэсэн.